काठमाडौं । आईसीसी विश्वकप लिग टूको त्रिदेशीय सिरिजमा नेपालले स्कटल्याण्डलाई जितका लागि १ सय २० रनको लक्ष्य दिएको छ ।
नामिबियाको युनाईटेड क्रिकेट क्लब ग्राउण्डमा टस जितेर पहिले ब्याटिङ रोजेको नेपालले ३५ ओभर ३ बलमा अलआउट हुँदै १ सय १९ रन बनायो ।
नेपालका लागि कप्तान रोहित पौडेल सर्वाधिक ४७ रन बनाए । सोमपाल कामीले १६ रन जोडे भने दीपेन्द्रसिंह ऐरीले १४ रन थपे। यसै ललित नारायण राजवंशीले ११ रन बनाउदा अन्य खेलाडीले दोहोरो अंकमा रन बनाउन सकेनन् ।
स्कटल्याण्डका तर्फबाट मार्क वाट,ब्राण्डन म्याकमुलेन र सफियान सरिफले २र२ विकेट लिए । त्यस्तै, क्रिस्टोफर म्याकब्रिड,क्रिस सोल र क्रिस ग्रेभिसले १र१ विकेट लिए ।
यस सिरिजमा नेपाल, नामिबीया र स्कटल्याण्डको सहभागीता रहेको छ । नेपाल र स्कटल्याण्डले एकआपसमा हालसम्म तीन एकदिवसीय अन्तराष्ट्रिय खेलेको छ । जसमा स्कटल्याण्डले दुई पटक जितेको छ भने नेपाल एक खेलमा विजेता बनेको छ ।
२३ खेलमा १८ अंक जोडेको नेपाल लिग टू को अंक तालिकाको छैटौं स्थानमा रहेको छ भने ३१ खेलमा ४४ अंक जोडेको स्कटल्याण्ड दोस्रो स्थानमा रहेको छ ।
