काठमाडौं । घरेलु टोली नेपालले युएईविरुद्धको एकदिवसीय अन्तराष्ट्रिय क्रिकेट सिरिज जितेको छ ।
कीर्तिपुरस्थित टियु क्रिकेट मैदानमा शुक्रबार भएको खेलमा युएईलाई ६ विकेटले हराउँदै नेपालले तीन खेलको सिरिज २-१ ले जितेको हो ।
युएईले नेपालको लागि दिएको १ सय ७७ रनको लक्ष्य ४०.१ ओभरमा ४ विकेट गुमाएर १ सय ८० रन जोड्दै पूरा गर्यो ।
नेपालको जितमा आसिफ शेख र ज्ञानेन्द्र मल्लले अर्धशतक बनाए । आसिफले सर्वाधिक ८८ रन बनाए । उनले १ सय १९ बलमा १२ चौका प्रहार गरे । यस्तै मल्लले ६४ रनको योगदान दिए । उनले ७३ बलमा ७ चौका र ३ छक्का हाने। कप्तान रोहित पौडेल १० रन र ओपनर अर्जुन साउद ९ रनमा आउट भए । त्यस्तै दीपेन्द्र सिंह ऐरी सुन्य रनमा रन आउट भए ।
युएईका तर्फबाट हजरत बिलाल र आयन अफजल खानले १/१ विकेट लिए ।
टस हारेर पहिले ब्याटिङ रोजेको युएईले ५० ओभरमा ९ विकेट गुमाएर १ सय ७६ रन बनाएको थियो । युएईका लागि आयन अफजल खानले ५४ रनको अर्धशतकीय इनिङ खेले भने हजरत बिलालले २० रन बनाए । आयन र हजरतले ८३ रनको साझेदारी गरे। यस्तै अलिशन शराफुले ३३ रन बनाए भने रोहन मुस्तफाले २४ र मुहमद वासिमले ११ रन जोडे ।
नेपालका गुलशन झा, दीपेन्द्र सिंह ऐरी र कुशल भुर्तेलले २/२ विकेट लिए । सोमपाल कामी र ललित राजवंशीले १/१ विकेट लिए ।
