काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल प्रचण्डप्रति कटाक्ष गर्नुभएको छ ।
मंगलबारको प्रतिनिधिसभा बैठकमा बोल्दै उहाँले भन्नुभयो, "सत्ता परिवर्तन हुनुवित्तिकै यही रोस्टमबाट म आगो हुँ, मसँग नखेल नत्र भन्नुभो । मलाई थाहा छ उहाँले विगतमा देशमा लगाएको डढेलो म सम्झिन्छु ।"
उहाँले अगाडी भन्नुभयो, "उहाँ आगो हो थाहा छ डढेलो लगाउनुहुन्छ, तर एक दुई बाल्टी पानीले निभाएको पनि सम्झना रहोस् । यस्तो डढेलो निभाउन हामीलाई पनि आउँछ । यस्ता आगो निभाउन पानी खन्याउनुपर्छ । सरकार बन्दैछ प्रतिपक्षलाई धम्क्याउने ?"
