काठमाडौं । सिट बाँडफाँटको विषय टुंगो लगाउन सत्तारुढ गठबन्धनका दलका शीर्ष नेताहरुको बैठक बालुवाटारमा जारी छ । अपराह्न ४ बजेदेखि बसेको बैठकमा दलहरुले सिट बाँडफाँटबारे टुंगो लगाउन छलफल गरेका छन् ।
आजको बैठकमा बाँडफाँटको टुंगो लगाइने सञ्चारमन्त्री ज्ञानेन्द्रबहादुर कार्कीले बताएका थिए । तर, हालसम्म गठबन्धनमा ९० सिटमा कुरा मिलेको दाबी गरिएको पनि बाँकी सिटमा भने सहमति हुन सकेको छैन ।
गठबन्धनले गत साउनमा सिट बाँडफाँटका लागि कृष्ण सिटौलाको संयोजकत्वमा कार्यदल गठन गरेको थियो । उक्त कार्यदलले गठबन्धनका शीर्ष नेताहरुलाई प्रतिवेदन बुझाइसकेको छ । जसमा रहेर गठबन्धनले छलफल जारी राखेका छन् ।
