तनहुँ । अभिनेता पल शाहविरुद्ध जिल्ला प्रहरी कार्यालय तनहुँमा बलात्कारको मुद्दा दर्ता भएको छ।
नाबालिग गायीकालाई विवाह गर्छु भनेर फकाएर जवर्जस्ती यौन सम्बन्ध राखेको भन्दै शाहविरुद्ध जाहेरी दर्ता भएको हो ।
सो गायिकाले उजुरी दिन सक्ने भन्दै शाहले उनलाई आफूसँगसँगै लिएर हिँडेका थिए । तर, उनी बुधबार घर जान्छु भनेर पोखरा पुगेको र त्यहाँबाट पारिवारिक सल्लाह गरेर तनहुँ पुगेर जाहेरी दर्ता गराएकी हुन् ।
शाह र गायिकाले यो विषयलाई मिलाउनको लागि गरेको कुराकानीको अडिओ सामाजिक सञ्जालमा सार्वजनिक भइसकेको छ ।
उक्त अडिओमा पलले आफूहरूबीच शारिरिक सम्बन्ध भएको स्विकारेका छन् ।
यस अगाडि जिल्ला प्रहरी कार्यालय कास्कीमा शाहविरुद्ध जाहेरी दर्ताको प्रयास भएपनि कास्कीले आफ्नो कार्यक्षेत्र नपरेको भन्दै एक महिना अगाडि नै तनहुँमा जाहेरी दर्ता गर्न सुझाव दिएको थियो ।
नेपालको कानुन अनुसार १८ वर्ष मुनीकासँग सहमतिमै पनि शारीरिक सम्पर्क राख्न बलात्कार ठहर्छ ।
