काठमाडौं । विश्व फुटबलको सर्वोच्च निकाय फिफाले अल इन्डिया फुटबल फेडेरेसन (एआईएफएफ) माथि लगाएको प्रतिबन्ध फुकुवा गरेको छ ।
फिफाले शुक्रबार भारतको फुटबल संघलाई अनिश्चितकालका लागि लगाएको प्रतिबन्ध फुकुवा गरेको विज्ञप्तीमार्फत जनाएको हो ।
फिफाले एआईएफएफलाई पत्र लेख्दै प्रतिबन्ध फुकुवा गरिएको जनाएको छ ।
प्रतिबन्ध फुकुवासँगै आगामी अक्टोबरमा तय भएको यू–१७ महिला विश्वकप पनि भारतमै आयोजना हुनेछ ।
यस्तै, फिफाको प्रतिबन्ध फुकुवासँगै भारतले नेपालमा आयोजना हुने महिला साफ च्याम्पियनसिप पनि खेल्न पाउने भएको छ ।
फिफाले गत साउनमा एआईएफएफमा बाहिरी शक्ति हाबी भएको भन्दै प्रतिबन्ध लगाएको थियो ।
