काठमाडौँ । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डले भ्रातृ संगठन वाईसीएललाई शान्तिपूर्ण फौजका रूपमा काम गर्न निर्देशन दिएका छन् ।
आज काठमाडौंमा आयोजित वाइसिलको दोस्रो भेलालाई सम्बोधन गर्दै उनले यस्तो निर्देशन दिएका हुन् ।
माओवादीकै नेतृत्वमा समाजवादी क्रान्ति सम्भव रहेको बताउँदै प्रचण्डले वाइसियललाई आफूहरू सहायक संगठन भएको भन्दै विश्राम लिन छुट नभएको समेत बताए ।
‘माओवादी नेतृत्वमा समाजवादी क्रान्ति गर्न दुनियाँको कुनै तागतले रोक्न सक्दैन’ उनले भने ।
यस्तै फरक प्रसंगमा प्रचण्डले कम्युनिष्ट आन्दोलनलाई एकीकृत र शक्तिशाली बनाउन वामपन्थी शक्तिहरू मिल्नुपर्ने बताए ।
