काठमाडौं । नेकपा एमालेविरुद्ध बनेको पाँचदलीय गठबन्धन आगामि चुनावसम्म विस्तार हुँदै ८ दलीय बन्ने भएको छ ।
गठबन्धनमा वामदेव गौतम नेतृत्वको नेकपा एकता अभियान र जसपाबाट फुटेको नेपाल समाजवादी पार्टी पनि मिसिएपछि पाँचदलीय गठबन्धन सातदलीय बनेको छ ।
पाँचदलीय गठबन्धनमा नेपाली कांग्रेस, नेकपा(माओवादी केन्द्र), नेकपा (एकीकृत समाजवादी), जनता समाजवादी पार्टी र राष्ट्रिय जनमोर्चा रहेका थिए । अब बाबुराम र वामदेवको नयाँ पार्टि पनि थपिएका छन् । उनीहरूले माओवादीको चुनाव चिन्ह गोलाकारभित्र हसिँया हथौँडा प्रयोग गर्ने सहमति भएको छ ।
माओवादीको चुनाव चिन्ह प्रयोग भए पनि उनीहरूले आफ्नो केही क्षेत्रमा आफ्नै उम्मेदवार उठाउनको लागि भागबण्डाको माग गरेका छन् । गठबन्धनमा यो विषय बारे छलफल गर्ने माओवादी नेताहरूले बताएका छन् । बाबुराम र वामदेवको सर्तबारे भने माओवादी स्थायी कमिटी बैठकमा छलफल भईसकेको बताएका छन् ।
आगामि चुनावसम्म गठबन्धनमा कम्तीमा पनि ८ देखि ९ दलीय मोर्चा बन्ने देखिएको छ ।
