एजेन्सी । इंग्लिस प्रिमियर लिग फुटबल अन्तर्गत लिभरपुलले बराबरी खेलेको छ । सोमबार मध्यरातमा भएको खेलमा लिभरपुलले घरेलु मैदा एनफिल्डमा क्रिस्टल प्यालेससँग १–१ गोलको बराबरी खेल्दै अंक बाँडेको हो ।
खेलको ३२ औं मिनेटमा विल्फ्रेड जाहाले गोल गर्दै प्यालेसलाई सुरुवाती अग्रता दिलाएका थिए । उता, दोस्रो हाफको ६१ औं मिनेटमा लुइस डियाजले गोल गर्दै लिभरपुललाई बराबरीमा ल्याए । त्यसपछि दुबै टिमबाट गोल गर्ने प्रयास भएपनि सफल नहुँदा खेल बराबरीमा सकियो ।
खेलको ५७ औं मिनेटमा यसै समरमा टिममा भित्रिएका डार्विन न्युनेजले रातो कार्ड खाँदै मैदानबाट बाहिरिएपछि लिभरपुल १० खेलाडीमा समेटिएको थियो । लिभरपुलको यो लगातार दोस्रो बराबरी हो ।
