काठमाडौ। नेकपा एमालेका सचिव योगेश भट्टराईले चुच्चे नक्शामा जुटेको राष्ट्रिय सहमति नागरिकता विधेयकमा पनि जुटाउनु पर्ने जनाउनु भएको छ ।
सामाजिक संञ्जालमा नेता भट्टराईले लेख्नु भएको छ चुच्चे नक्शामा राष्ट्रिय सहमति जुटेको संसदमा नागरिकता विधेयकमा नजुटने सवालै छैन । खाँचो सकारात्मक पहलको मात्र छ ।
संबिधानले सबैको सीमा, कर्तब्य र अधिकार तोकिदिएको छ । नागरिकता बिधेयकका सन्दर्भमा संबिधानको धारा ११३ ले प्रदान गरेको अधिकारका आधारमा राष्ट्रपतिले नेपालको हितमा आफ्नो कर्तब्य र दायित्व निर्बाह गर्नु भएको छ । राष्ट्रपतिको यो कदमलाई राजनीतिक रङ्ग दिएर मुलुकलाई बिभाजित गर्नखोज्नु ठूलो भुल हुनेछ ।
राष्ट्रपतिद्वारा उठाइएका सवालमा राष्ट्रिय सहमति जुटाउने प्रमुख दायित्व सत्तारुढ गठबन्धनको हो । यसमा एमालेले बिनासर्त भूमिका खेल्ने छ । संघीय संसदमा फर्किएको नागरिकता बिधेयकलाई राष्ट्रपतिद्वारा उल्लेख गरिएका सवालमा सहमति निर्माण गर्ने दायीत्व सभामुख र राष्ट्रियसभाका अध्यक्षको पनि हो । वहाँहरुबाट यो भूमिकाको अपेक्षा गरिन्छ ।
चुच्चे नक्शामा राष्ट्रिय सहमति जुटेको संसदमा नागरिकता विधेयकमा नजुटने सवालै छैन । खाँचो सकारात्मक पहलको मात्र छ ।
