काठमाडौँ । पाकिस्तानको ७५ औँ स्वतन्त्रता दिवसको अवसरमा आज पाकिस्तानी राजदूतावासमा एक साधारण र भव्य झण्डोत्तलन गरिएको छ । राजदूत सैयद हैदर शाहले झण्डोत्तलन गर्नुभएको थियो ।
नेपालस्थित पाकिस्तानी राजदूतावासका अनुसार कार्यक्रममा दूतावासका अधिकारी तथा कर्मचारीहरु र पाकिस्तानी समुदायको सहभागिता रहेको थियो ।
सो अवसरमा पाकिस्तानका राष्ट्रपति र प्रधानमन्त्रीको सन्देश पढेर सुनाइएको थियो । कार्यक्रममा शाहले कायद–ए–आजम मोहम्मद अली जिन्नाको नेतृत्वमा भएको पाकिस्तान आन्दोलनको इतिहासको स्मरण गर्नुभयो।
जम्मु कश्मीर विवादको उल्लेख गर्दै उहाँले यस क्षेत्रको दिगो शान्ति, स्थायित्व र समृद्धिका लागि जनताको चाहना र संयुक्त राष्ट्रसंघको प्रस्तावअनुसार लामो समयदेखि चलिरहेको यस विवादको समाधान अपरिहार्य रहेको बताउनुभयो ।
