काठमाडौं । नेकपा एमाले उपाध्यक्ष वामदेव गौतमले माधव कुमार नेपाल अध्यक्ष रहेको नेकपा (एकीकृत समाजवादी) प्रवेश गर्न जनताको बहुदलीय जनवाद (जबज) पनि रहनुपर्छ भन्ने बाहेक अरु कुनै सर्त नराखेको उनको सचिवालयले जनाएको छ ।
उनको सचिवालयले विज्ञप्ति जारी गर्दै भनेको छ,
‘माधव कुमार नेपालको अध्यक्षतामा रहेको नेकपा एकीकृत समाजवादी पार्टीमा हामी प्रवेश गर्नका लागि मार्गदर्शक सिद्धान्त मार्क्सवाद–लेनिनवादका साथै जनताको बहुदलीय जनवाद पनि रहनुपर्छ भन्ने एक मात्र शर्त बाहेक अरु कुनै शर्त वामदेव गौतमले राख्नु भएको छैन, अन्य सबै प्रकारका प्रचारवाजीहरु गलत भएको जानकारी गराइन्छ।’
