काठमाडौँ । काठमाडौंको तीनकुने र गैह्रीगाउँका तीन ठाउँमा चिनियाँ नागरिकले सञ्चालन गरेका कल सेन्टरमा प्रहरीले छापा मारेको छ ।
काठमाडौं प्रहरी परिसर, नगर प्रहरी र प्रहरी वृत्त बानेश्वरबाट खटिएको टोलीले सो स्थानमा छापा मारी कागजात नियन्त्रणमा लिएको हो ।
अहिले प्रहरी टोली कल सेन्टरमै रहेको र यस सम्बन्धमा अनुसन्धान भइरहेको प्रहरीले जनाएको छ । २०७६ पुसमा गैरकानुनी गतिविधि गरेको आरोपमा १२२ जना चिनियाँ नागरिक पक्राउ परेका थिए ।
अनधिकृत रूपमा कल सेन्टर सञ्चालन र नेपालमा बसेर चिनियाँ नेटवर्किङ व्यवसाय चलाएको आरोपमा उनीहरुलाई प्रहरीले नियन्त्रणमा लिएको थियो ।
