नेकपा (एमाले) कैलाली जिल्ला कमिटीका अध्यक्ष रतन थापालाई जिम्मेबारीबाट हटाइएको छ । एमालेको जिल्ला कमिटीले प्रदेश कमिटीमा अध्यक्ष थापालाई कारबाही गर्न सिफारिस गरेको थियो । स्थानीय तहको निर्वाचनमा जिल्लामा आफ्नै पार्टीका उम्मेदवारलाई हराउन सक्रिय रहेको भन्दै उनको अध्यक्ष पद खोसिएको हो ।
पार्टीको सुदूरपश्चिम प्रदेश कमिटीको सोमबार बसेको बैठकले थापाको अध्यक्ष पद खोसेर दुर्गा जोशीलाई कार्यवाहक अध्यक्ष बनाउने निर्णय गरेको थियो । प्रदेश कमिटीले जिल्ला कमिटीलाई आगामी साउन १५ गतेभित्र अध्यक्षको निर्वाचन गर्न निर्देशन दिएको छ ।
