काठमाडौं । ललितपुरमा चिकित्सकमाथि ट्राफिकले निर्घात कुटपिट गरेका छन् ।
आइतबार बेलुकी ललितपुरको कुसुन्तीमा ड्युटीमा खटिएका ट्राफिकले डा. कुलबहादुर घिसिङमाथि कुटपिट गरेका हुन् ।
घिसिङको मुखमा गम्भीर चोट लागेको छ र उनको ललितपुरस्थित अल्का अस्पतालमा उपचार भइरहेको पीडितका आफन्तले जनाएका छन् ।
ट्राफिक प्रहरी सातदोबाटोका अनुसार ट्राफिक राजेन्द्र थापाले कुटपिट गरेको र उनीमाथि कारबाही प्रक्रिया अघि बढाइएको छ । डा. घिसिङ आरोग्य स्वास्थ्य प्रतिष्ठानमा कार्यरत छन् ।
फुटपाथबाट पैदलयात्रा गरिरहेको अवस्थामा कुटपिट भएको भन्दै कुटपीट गर्ने थापालाई कारबाही र आफ्नो उपचार खर्चको व्यवस्था मिलाउन उनले माग गरेका छन् ।
