विराटनगर । संखुवासभामा भएको सामूहिक हत्याकाण्डका आरोपी लोकबहादुर कार्कीलाई संखुवासभास्थित चैनपुर इलाका प्रहरी कार्यालयले सार्वजनिक गरेको छ ।
२६ वर्षीय लोकबहादुर कार्कीले संखुवासभाको मादी गाउँपालिका–१ खोलागाउँका तेजबहादुर कार्कीसहित उनको परिवारका ६ जनाको विभत्स हत्या गरेको र प्रहरीका अनुसार लोकबहादुर कार्कीले हत्या गरेको पनि स्वीकार गरेका छन् । लोकबहादुर कार्कीलाई प्रहरीले शनिबार नियन्त्रणमा लिएको थियो ।
गत सोमबार ९१ वर्षीय बौद्धमान कार्कीकी श्रीमती ८४ वर्षीया पार्वती कार्की, ५२ वर्षीय छोरा तेजबहादुर कार्की, बुहारी ५२ वर्षीया कमला कार्की, तेजबहादुरकी बुहारी ३२ वर्षीया रञ्जना कार्की, ११ वर्षीय नाति दीपेन कार्की र नातिनी ७ वर्षीया गोमा कार्कीको हत्या भएको थियो ।
