पेरिस । च्याम्पियन्स लिगको उपाधि स्पेनीस क्लब रियल मड्रिडले जितेको छ । भर्खरै सम्पन्न खेलमा रियलले इंग्लिस क्लब लिभरपुललाई १-० गोलले पराजित गर्दै उपाधि जितेको हो । फ्रान्सको पेरिसमा भएको फाइनल खेलमा रियललाई जित दिलाउन एकमात्र निर्णायक गोल भिनिसियस जुनियरले गरे ।
खेलमा रियलका गोलकिपर थिबाउट कोर्तुआले निकै उत्कृष्ट प्रदर्शन गरे । उनले लिभरपुलका खेलाडीबाट भएका आठ प्रहारलाई उत्कृष्ट बचाउ गरे ।
खेलको २० औं मिनेटमा लिभरपुलका साडियो मानेले प्रहार गरेको बल रियलका किपर थिबाउट कोर्तुआले उत्कृष्ट सेभ गरे । उनको हातमा लागेर बल पोलमा ठोकिन पुगेको थियो ।
यस्तै, ४४ औं मिनेटमा रियलका करिम बेन्जेमाले गरेको गोलले मान्यता पाए । लिभरपुलका डिफेन्डर र किपरबीचको तालमेल हुन नसक्दा बेन्जेमाले मौका पाएका थिए । तर, उनी अफसाइड रहन पुगे ।
खेलको ५९ औं मिनेटमा भाल्भर्देले क्रस गरेको बललाई कुनै खेर जान नदिई भिनिसियस जुनियरले गोल गरे ।
६४ औं मिनेटमा लिभरपुलका सलाहले प्रहार गरेको बललाई फेरि रियलका किपर कोर्तुआले बिफल बनाइदिए । ६८ औं मिनेटमा पुनः सहालको गोल गर्ने मौकालाई कोर्तुआले उत्कृष्ट सेभ गरे । ८२ औं मिनेटमा सलाहलाई फेरि कोर्तुआले गोल गर्नबाट रोके । उनले लगातार सानदार सेभ गर्दै रियललाई बचाए ।
योसँगै रियल मड्रिडले सर्वाधिक १४ पटक उपाधि जितेको छ । लिभरपुल भने सातौं पटक उपाधि जित्नबाट बन्चित भयो ।
