काठमाडौँ । ग्राण्डी अन्तर्राष्ट्रिय अस्पतालका अध्यक्ष दीपक कुँवरलाई अन्तर्राष्ट्रिय मानार्थ डाक्टरको उपाधि प्रदान गरिएको छ । नेपालको नेपालको सामाजिक, व्यावसायिक तथा आर्थिक क्षेत्रमा प्रशंसनीय कार्य गरेबापत उनलाई सो उपाधि प्रदान गरिएको हो ।
थाइल्याण्डको राजधानी बैंककमा आयोजित समारोहमा फ्रान्सको राजधानी पेरिसमा सञ्चालित युरोपियन इन्टरनेसनल युनिभर्सिर्टीले कुँवरलाई शुक्रबार सो उपाधिले सम्मान गरेको हो । कुँवर नेपाल घरजग्गा व्यवसायी महासङ्घका द्वितीय उपाध्यक्षसमेत हुन् ।
उनले गुणस्तरीय हाउजिङ तथा अपार्टमेन्टसमेत निर्माण गरेर आफ्नो व्यावसायिक कुशलता देखाइसकेका छन् । कुँवर गोङ्गबूस्थित नयाँ बसपार्कको जिम्मा लिएको लोत्से बहुउद्देश्यीय प्रालिको पनि अध्यक्ष हुन् ।
