पाल्पा । सुख्खा पहिरोले तानसेन बुटवल सडकखण्ड अवरुद्ध हुन पुगेको छ ।
सिद्धार्थ राजमार्ग अन्तर्गत पर्ने सडकको तिनाउ गाउँपालिका –५ कालीमाटीमा सोमबार दिउँसो सडकमा ढुंगा र बाँसको झाडीसहित सुख्खा पहिरो खसेपछि सडक अवरुद्ध भएको हो ।
अहिले पाल्पादेखि वुटवलतर्फ जाने तथा बुटवलदेखि पाल्पातर्फ आउने सवारीसाधन सडकमै रोकिएका छन् ।
सडक पूर्णरुमा अवरुद्ध रहेको प्रहरीले जनाएको छ । सडक डिभिजन कार्यालयको दुईवटा जेसीबी परिचालन गरेर पहिरो पन्छाउने तयारी भएको बताइएको छ ।
सडक एकतर्फी खुलाउन पनि कम्तिमा दुईघण्टा लाग्ने अनुमान गरिएको छ ।
