काठमाडौँ । काठमाडौँको बूढानीलकण्ठ नगरपालिकाको प्रमुख र उपप्रमुख दुवै पदमा नेकपा (एमाले) का उम्मेदवार निर्वाचित भएका छन् । काठमाडौँका नगरपालिकाहरुमा एमालेको प्रमुख पदमा यो दोस्रो जित हो ।
एमाले उम्मेदवार मिठाराम अधिकारी १४ हजार २५० मत ल्याई प्रमुख पदमा निर्वाचित भएका हुन् । उनका निकटतम प्रतिस्पर्धी नेपाली कांग्रेसका उम्मेदवार विनोद चालिसे ११ हजार ५१२ मत ल्याई पराजित भए ।
बूढानीलकण्ठको उपप्रमुखमा एमालेकै उम्मेदवार अनिता लामा १४ हजार ३१४ मत हासिल गरी निर्वाचित बनेकी छन् । कांग्रेसकी उपप्रमुख उम्मेदवार रमिला वाग्ले ११ हजार ९७२ मत पाई पराजित भइन् ।
यसअघि काठमाडौँको टोखा नगरपालिकाको प्रमुख पदमा नेकपा (एमाले) का उम्मेदवार निर्वाचित भइसकेका छन् ।
