काठमाडौँ। सत्ता गठबन्धनमा रहेको दल राष्ट्रिय जनमोर्चा गठबन्धनबाट बाहिरिएको छ । राष्ट्रिय जनमोर्चाले संसदबाट एमसीसी पास भएकोप्रति गम्भीर असहमति जनाउँदै सत्ता गठबन्धनबाट अलग भएको घोषणा गरेको हो।
राष्ट्रिय जनमोर्चाको सोमबार बसेको केन्द्रीय सचिवालय बैठकले सत्ता गठबन्धनबाट अलग भएको घोषणा गरेको हो।
आइतबार संसदमा एमसीसीबारे भएको छलफलमा पनि जनमोर्चाकी सांसद दुर्गा पौडेलले एमसीसी सम्झौता राष्ट्रिघाति भएको बताएकी थिइन्। उनले एमसीसी अनुमोदन गर्न नहुने बताएकी थिए। जनमोर्चाका अध्यक्ष चित्रबहादुर केसी पनि एमसीसी राष्ट्रिघाति भएको भन्दै विरोधमा उत्रदै आएका छन्।
यससँगै सत्ता गठबन्धनमा नेपाली कांग्रेस, नेकपा माओवादी केन्द्र, एकीकृत समाजवादी पार्टी र जनता समाजवादी पार्टी रहेका छन्।
