काठमाडौं । काठमाडौंको कपनस्थित ढलमा खसेर बेपत्ता भएका बालकको सव फेला परेको छ । १० वर्षीय उज्ज्वल विकको ढलमा खसेर बेपत्ता भएको ५ दिनपछि उनको शव फेला परेको हो।
ललितपुरको महाङ्काल गाउँपालिकास्थित बागमती नदी किनारमा उनको शव फेला परेको प्रहरीले जनाएको छ। गत मंगलबार उज्ज्वल कपनस्थित ढलमा खसेका थिए।
महानगरीय प्रहरी परिसर ललितपुरकी एसएसपी किरण बज्राचार्यका अनुसार शनिबार साँझ स्थानीयले शव देखेपछि प्रहरीलाई खबर गरेका थिए।
‘उनको अनुहार चिन्न गाह्रो हुने खालको छ। उनले कपन मावि लेखेको लुगा लगाएको भेटिएको छ,’ बज्राचार्यले भनिन्, ‘चापागाउँमा बस्ने उनको माइजु नाता पर्ने महिला शव फेला परेको स्थानमा आउँदै हुनुहुन्छ।’
