एजेन्सी । युक्रेन विरुद्ध रुसको आक्रमण बुधबार सातौं दिन पनि जारी छ । राजधानी किभ र खार्किभ लगायतका धेरै प्रमुख सहरलाई निशाना बनाइएको छ ।
आज बिहान रुसी प्याराट्रूपर्सले खार्किभको एक अस्पतालमा आक्रमण गरेका छन् ।
रुसी सेनाले खेरसन सहर पनि आफ्नो कब्जामा लिएको छ । यसअघि मंगलबार राति रुसी सेनाले राजधानी कीभको टिभी टावरमा मिसाइल हमला गरेको थियो । यस आक्रमणमा ५ जनाको मृत्यु भएको थियो । यहुदीहरूको नरसंहारको सम्झनामा निर्माण गरिएको बेबिन यार होलोकास्ट मेमोरियल सेन्टरमा पनि रुसले हवाई आक्रमण गरेको थियो ।
सैन्य कारबाहीबाहेक रुसले राष्ट्रसंघमा ठूलो अप्ठ्यारोको सामना गर्नुपरेको छ । रुसी विदेशमन्त्री सर्गेई लाभरोभले मंगलबार राष्ट्रसंघ मानवअधिकार परिषद्मा बोल्न थालेपछि करिब १०० कूटनीतिज्ञ बाहिरिएका थिए ।
