वीरगञ्ज । नेकपा एमालेले वीरगञ्ज महानगरपालिकाको मेयरको उम्मेदवारका लागि विजय सरावगीको नाम सिफारिस गरेको छ ।
बुधबार बसेको एमालेको वीरगञ्ज महानगरपालिका कमिटीको बैठकले वर्तमान मेयर सरावगीलाई सर्वसम्मत रुपमा उम्मेदवार सिफारिस गरेको हो ।
बुधबारको बैठकमा महानगर कमिटीका सचिव सुन्दरकुर्मीले सरावगीलाई उम्मेदवारको रुपमा सिफारिस गरेका थिए भने उपाध्यक्ष दासले समर्थन गरेका थिए ।
मेयर सरावगी गत महिनामात्रै एमालेमा प्रवेश गरेका थिए । उनी २०७४ सालको स्थानीय तह निर्वाचनमा तत्कालिन संघीय समाजवादी फोरमबाट मेयरमा निर्वाचित भएका थिए ।
