काठमाडौ. ।राप्रपा नेपालका अध्यक्ष कमल थापाले आगामी दिनमा पार्टीले प्रतिकुलतालाई चिर्दै उच्च मनोबल सहित अघि बढ्ने बताउनु भएको छ । छोटो समय र तयारीका बाबजुद पनि स्थानिय तहको निर्बाचनमा सम्मानजनक उपस्थिती हुने भन्दै थापाले स्थानीय तह निर्बाचनमा होमिन आग्रह गर्नुभयो । आ
ज केन्द्रीय समितिको भर्चुअल बैठकलाई सम्बोधन गर्दै थापाले बाह्य शक्तिको चलखेल बढेर गएको , अर्थतन्त्र धराशायी भएको , बेरोजगारी समस्या बिकराल हुँदै गएको, भ्रष्टाचार डरलाग्दो रुपमा अनियन्त्रित ढंगले बढेको, धर्मपरिबर्तनको डढेलो लागेको बेलामा बैकल्पिक मार्गचित्र आबश्यक भएकोले राप्रपा नेपाल पुन: जागृत गर्नुपरेको बताउनु भयो ।
विशिष्ट परिस्थितिका कारण राप्रपा नेपाललाई अघि बढाउनु परेको भन्दै थापाले जनताको माझमा बिश्वास आर्जन गर्नुको बिकल्प नरहेको उल्लेख गर्नुभयो । थापाले भन्नुभयो ‘भ्रमहरुलाई चिर्दै अघि बढ्नु पर्छ ।’
बैठकमा सचिवालय सम्बन्धी प्रतिबेदन महामन्त्री भाष्कर भद्राले प्रस्तुत गर्नुभएको थियो भने स्थानिय तह निर्बाचन तयारी बारे महामन्त्री सुशील श्रेष्ठ र स्थानीय तह निर्बाचन सम्बन्धी पार्टीको घोषणा पत्रका बिषयमा प्रबक्ता सुरेश आचार्यले आफ्नो प्रस्तुती दिनुभएको थियो । बैठकमा केन्द्रीय सदस्यहरुले आफ्नो आफ्नो जिल्लाको सांगठानिक अबस्था र चुनावको तयारी बारे जानकारी गराएका थिए ।
घोषणा पत्र र चुनाव चिन्ह सार्बजनिक गर्न आगामी चैत्र २५ गते काठमाडौंमा कार्यक्रम आयोजना गरिने महामन्त्री राजाराम बर्तौलाले जानकारी दिए ।
