काठमाडौँ । नेकपा (माओवादी केन्द्र) ले आयोजना गरेको एक कार्यक्रममा झडप भएको छ । सोमबार अखिल क्रान्तिकारीको अध्यक्ष घोषणा गर्ने कार्यक्रममा झडप भएको हो ।
माओवादी केन्द्र निकट विद्यार्थी संगठन अखिल (क्रान्तिकारी)को अध्यक्ष पञ्चा सिंह घोषित भएकी हुन् । सिंहलाई अध्यक्ष घोषणा गर्ने कार्यक्रममा महासचिवमा दिपेश पुनलाई घोषणा गरेपछि अर्को पक्षले विरोध गरेको थियो।
घोषणा कार्यकक्रममा दुई समूहबीच केहीबेर घम्साघम्सीसमेत परेको थियो। विधानअनुसार १९९ सदस्यीय कमिटी घोषणा गर्नुपर्नेमा ३९९ सदस्यीय घोषणा गर्न लागेपछि दुई पक्षबीच विवाद भएको हो।
माओवादी केन्द्रका अध्यक्ष पुष्पकमल दाहाल प्रचण्डले सिंहलाई अखिल क्रान्तिकारीको अध्यक्ष बनाउने निर्णय आइतबार नै सुनाएका भए पनि उनी अध्यक्ष निर्वाचित भएको औपचारिक घोषणा भने अखिल क्रान्तिकारीको २२ औं राष्ट्रिय सम्मेलनमार्फत आज गरिएको हो।
सिंहलाई अध्यक्ष बनाउनुअघि प्रचण्डले अखिल क्रान्तिकारीका नेताहरुसँग छलफल गरेका थिए। सोही छलफलपछि सिंहलाई अध्यक्ष बनाउने सुनाइएको थियो। उनि पहिलो महिला अध्यक्ष बनेकी छन्।
