काठमाडौं । नेपाली कांग्रेसको दोलखाको सभापतीमा बर्मा लामा निर्वाचित भएका छन्। वरिष्ठ नेता रामचन्द्र पौडेल पक्षीय लामाले कृष्ण प्रसाद सिटौला निकट तारा खड्कालाई पराजित गरेका हुन्।
दोश्रो चरणको मतदान पछि लामा ८७७ मत ल्याएर विजयी भएका हुन्। खड्काले ४८५ मत प्राप्त गरे। कुल खसेको मत १३७३ रहेको छ।
आइतबार भएको पहिलो चरणको मतदानमा लामाले ६४३, खड्काले ३९७ तथा सभापतिका अन्य प्रत्यासी रुद्र बहादुर खड्का ३५८ र केशव चौंलागाईले ९५ मत ल्याएका थिए। तेस्रो स्थानमा आएका खड्का संस्थापन पक्षका हुन्। उनी १३ औं महाधिवेशनमा जिल्ला सभापति चयन भएका थिए।