काठमाडौं । सत्तासाझेदार नेकपा (एकीकृत समाजवादी)का अध्यक्ष माधवकुमार नेपालले सूर्य चिन्ह नहुँदैमा आफ्नो पार्टीलाई निर्वाचनमा कुनै पनि अप्ठ्यारो नपर्ने बताउनु भएको छ ।
अध्यक्ष नेपालले कलम चिन्ह लिएर राष्ट्रियसभा निर्वाचनमा विजयको सुरुवात भईसकेको उल्लेख गर्दै सूर्य चिन्ह नहुँदैमा आगामी निर्वाचनमा कुनै अप्ठ्यारो नपर्ने दावी गर्नु भएको हो । कसैकसैले पार्टी भित्रैबाट सूर्य चिन्ह नहुँदा अप्ठ्यारो पर्छ कि भनेर भन्ने गरेको उल्लेख गर्दै उहाँले अप्ठ्यारो होइन् कलम चिन्ह लिएर जितको सुरुवात भईसकेको बताउनु भयो ।
पार्टी निकट मजदुरहरुको संगठन एकीकृत ट्रेड युनियन महासंघ, नेपालले शुक्रबार काठमाडौंमा आयोजना गरेको एक कार्यक्रममा बोल्दै उहाँले आफ्नो पार्टीले कलम चिन्ह लिएर दोस्रो चरणको राष्ट्रियसभा निर्वाचनमा पनि जित हासिल गरेको स्मरण गराउनु भयो । अध्यक्ष नेपालले स्थानीय तहको निर्वाचनमा पनि जित हासिल गर्नका लागि आफूहरुले बामलोकतान्त्रिक शक्तिहरुसँग मिलेर जाने विषयमा छलफल चलाई रहेको दोहो¥याउनु भयो ।
उहाँले भन्नु भयो, ‘हामीले विजयको सुरुवात पनि ग¥यौं । राष्ट्रियसभाको चुनावमा पहिलो पटक हामीले हाम्रो उम्मेदवारलाई जितायौं । र, जितायौ पनि कसरीभने ठ्याक्क त्यो उम्मेदवारले स्वतन्त्र उम्मेदवारको हैसियतले कलम चिन्ह लिनु भएको थियो । र, कलम चिन्हको जितको सुरुवात गरेर अगाडि बढेका छौं । त्यसो हुनाले कसैकसैलाई लाग्ला–सूर्य चिन्ह नभएको हुनाले अप्ठ्यारो पर्छ कि भनेर । अप्ठ्यारो होइन् हाम्रो जितको सुरुवात भईसकेको छ । कलम चिन्हले जित्न थालिसकेको छ । र, दोस्रो चोटी त झन एकीकृत समाजवादीको नाममा हामीले कलम चिन्ह बोकेर १९ वटा राष्ट्रियसभा सदस्य चुनावमा पनि उपस्थिति जनायौं । र, हाम्रा सबै उम्मेदवारलाई जितायौं ।
एउटाबाहेक सबैलाई जिताएर देखाएका छौं । अव फेरी हामी चुनावमा उत्रनुपर्नेछ । बैशाख ३० गतेको चुनावको तयारीमा, स्थानीय तह निर्वाचनको तयारीमा हामीले जुट्नु पर्नेछ । यो जुट्ने सन्दर्भमा बामपन्थी शक्तिहरुबीच मिलेर जाने, लोकतान्त्रिक शक्तिहरुसँग पनि मिलेर जाने विषयमा छलफल भईरहेको छ ।’
अध्यक्ष नेपालले केपी ओली नेतृत्वको एमालेलाई गफाडीको संज्ञा दिनु भयो । त्यसले सरकारमा हुँदा पनि गफबाहेक अरु केही पनि काम नगरेको उहाँको भनाई थियो ।
