काठमाडौँ । यातायात व्यवस्था विभागले मुलुकभरका यातायात कार्यालयबाट दिने सबै सेवा अनिश्चितकालका लागि बन्द गरेको छ ।
विभागले बुधबार बेलुका ५ बजेदेखि सबै सेवा बन्द गर्ने निर्णय गरेको हो । विभागका अनुसार सर्भरहरुमा विद्युतीय समस्या देखिएपछि सेवा बन्द गर्ने निर्णय गरिएको हो ।
विभागका प्रवक्ता, सूचना अधिकारी एवं निर्देशक डा लोकनाथ भुसालले बुधबार एक सूचना जारी गर्दै समस्या समाधान नभएसम्मका लागि यातायात कार्यालयहरुबाट प्रदान गरिने सबै सेवाहरु अवरुद्ध हुने व्यहोरा जानकारी गराउनुभएको छ ।
विभागले यसअघि सवारी लाइसेन्सका लागि नयाँ आवेदन लिन बन्द गरेको थियो । सेवा अवरुद्ध भएसँगै सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएको छ ।
