काठमाडौँ । आश्विन शुक्ल महानवमीका दिनमा मनाइने महानवमी पर्व आज नवदुर्गा भगवतीको विशेष पूजा आराधना गरी मनाइँदैछ । महानवमीका दिनमा बिभिन्न शक्तिपीठहरुमा दर्शनार्थीको घुईचो लागेको छ ।
काठमाडौंको नक्साल भगवती ,गुहेश्वरी, मैतिदेबी , कालिकास्थान, भद्रकाली , शंकटा , तलेजुभवानी , रक्तकाली , शोभाभगवति, दक्षिणकाली लगायतका शक्तिपीठहरुका दर्शनार्थीहरुको बाक्लो उपस्थिती रहेको छ ।
आज दुर्गा पूजा लगायतका कार्य गरी घटस्थापनाका दिनमा राखिएको जमरा विभिन्न शक्तिपीठमा लगी चढाइन्छ । दसैंघर र कोत लगायत राज्यका विभिन्न देवी मन्दिर र शक्तिपीठमा बोका, हाँस, कुखुरा र राँगाको बलिसहित दुर्गा भवानीको विशेष पूजा आराधना र दुर्गा सप्तशती (चण्डी), श्रीमद्देवीभागवत एवं देवी स्तोत्र पाठ गरिन्छ । हेरौ बिभिन्न शक्ति पीठहरुको तस्वीर