काठमाडौं । नेकपा (माओवादी केन्द्र) को केन्द्रीय कमिटी बैठक सुरु भएको छ । राष्ट्रिय सभागृहमा सुरु भएको बैठकमा अध्यक्ष पुष्पकमल दाहाल प्रचण्डले समसामयिक विषयमा आफ्नो धारणा राख्नु भएको छ । तीन दिनसम्म चल्ने बैठकमा समसामयिक राजनीति, स्थानीय तह निर्वाचनको तयारी, केन्द्रीय सदस्यहरुको मनोनयन, पोलिटब्युरो र स्थायी समिति गठन, पदाधिकारी चयन लगायत विषयमा छलफल हुने जनाईएको छ ।
यसैगरी बैठकमा एमसीसी व्याख्यात्मक घोषणामा फरक मत राख्नु भएका नेता नारायणकाजी श्रेष्ठ सहित अन्य नेताहरुले उठाउनु भएको बिषयमा पनि छलफल हुने जनाईएको छ ।
