रोल्पा । रोल्पा प्रहरीले गोरु काटेको आरोपमा १३ जनालाई पक्राउ गरेको छ ।
रुन्टिगढी गाउँपालिका-१ लापालका २० वर्षीय आकाश घर्ती मगरलगायत १३ जनालाई गोरु काटेको अभियोगमा मंगलबार दिउँसो प्रहरीले पक्राउ गरेको हो ।
उक्त स्थानमा गोरु काटिरहेको भन्ने खबर प्राप्त हुनासाथ इलाका प्रहरी कार्यालय होलेरीबाट खटिएको प्रहरीले उनीहरुलाई करिब ८० केजी गोरुको मासु भागबन्डा गरिरहेको अवस्थामा पक्राउ गरेको हो ।
घटनाबारे थप अनुसन्धान भइरहेको प्रहरीले जनाएको छ ।
