काठमाडौं । नेकपा माओवादी केन्द्रका अध्यक्ष पुष्पकमल दाहाल 'प्रचण्ड' प्रदेश २ का केन्द्रीय सदस्यहरूसँग छलफलमा जुटेका छन् । आइतबार पार्टी मुख्यालय पेरिसडाँडामा हिजोदेखि अध्यक्ष प्रचण्ड प्रदेश २ का केन्द्रीय सदस्यहरूसँग छलफलमा जुटेका हुन् ।
प्रदेश २ मा देखिएको सांगठनिक विवाद समाधानका लागि शनिबारदेखि आजसम्म बैठक जारी छ। २७ जना केन्द्रीय सदस्य सहभागी बैठकमा नारायणकाजी श्रेष्ठ लगायत पार्टीका वरिष्ठ नेताहरू पनि उपस्थित छन्।
प्रदेश २ मा गणेश साह माओवादीका इन्चार्ज छन् । विश्वनाथ साह र महेन्द्र पासवान सह-इन्चार्ज रहेका छन् भने अध्यक्षमा प्रह्लाद बुढाथोकी रहेका छन् ।
मधेसमा माओवादी केन्द्रको सांगठनिक अवस्था र असन्तुष्ट नेताहरूको बारेमा परामर्श गर्नका लागि प्रचण्डले प्रदेश नं. २ बाट प्रतिनिधित्व गर्ने केन्द्रीय सदस्यहरुलाई बोलाएका हुन्।
