काठमाडौ । प्रमुख प्रतिपक्षीदल नेकपा एमालेका प्रवक्ता प्रदिप ज्ञावलीले न्यायपालीका भित्र हाल देखापरेको समस्या अपवित्र गठबन्धनको परिणाम भएको बताउनु भएको छ । सामाजिक संञ्जाल फेसबुकमा आफ्नो दृष्टिकोण राख्दै ज्ञावलीले लेख्नु भएको छ एकजना व्यक्तिलाई निशाना बनाएर चलाइएको अहिलेको अभियानको उद्देश्य यस विकृतिलाई अन्त्य गर्ने होइन, झनै संस्थागत गर्नु र आफूले भने अनुसारको फैसला सुनिश्चित गर्नु मात्रै हो।
उहाँले लेख्नु भएको छ-
सर्वोच्च अदालतमा देखा परेको विग्रह, गुटबन्दी र चरम अराजकता दुर्भाग्यपूर्ण छ। न्यायालयमा समस्या विगतमा पनि थियो, तर यसको उत्कर्ष असार २८ को फैसलाका क्रममा देखा पर् यो। निश्चित राजनीतिक नेताहरूको सत्ता स्वार्थका लागि अदालतले अनुकूल फैसला गरिदिने, सट्टामा नेताहरूले न्यायाधीशहरूमध्ये कसैलाई मन्त्री त कसैलाई तक्मा उपहार दिने यही अपवित्र गठबन्धनको परिणाम हो आजको विकृति।
एकजना व्यक्तिलाई निशाना बनाएर चलाइएको अहिलेको अभियानको उद्देश्य यस विकृतिलाई अन्त्य गर्ने होइन, झनै संस्थागत गर्नु र आफूले भने अनुसारको फैसला सुनिश्चित गर्नु मात्रै हो। युज एण्ड थ्रो यस अभियानले भोलि अरूलाई पनि यसै गरी शिकार बनाउनेछ।
