काठमाडौं । आईसीसी टी–ट्वान्टी विश्वकप क्रिकेट अन्तर्गत आज (मंगलबार) दुई खेलहरु हुँदैछन् । पहिलो खेलमा दक्षिण अफ्रीका र वेस्ट इन्डिज आमनेसामने हुँदैछन् ।
दुबईमा यी दुई टिमबीचको खेल दिउँसो ३ः४५ बजे सुरु हुनेछ । समूह १ मा रहेका दक्षिण अफ्रीका र वेस्ट इन्डिज पहिलो जितमा खोजीमा हुनेछन् ।
यसअघिको खेलमा दक्षिण अफ्रीका अष्ट्रेलियासँग ५ विकेटले पराजित भएको थियो भने वेस्ट इन्डिज इंग्ल्यान्डसँग ६ विकेटले पराजित भएको थियो ।
यस्तै दोस्रो खेलमा पाकिस्तानले न्युजिल्याण्डसँग प्रतिस्पर्धा गर्नेछ । सारजाहमा हुने यी दुई टिमबीचको खेल राति ७ः४५ बजे सुरु हुनेछ ।
यसअघि पाकिस्तानले भारतलाई १० विकेटले हराएको थियो ।
पहलिो खेल खेल्न लागेको न्युजिल्याण्ड भने विजयी सुरुवात गर्ने दाउमा रहेको छ ।