एजेन्सी । आईसीसी टी–ट्वान्टी विश्वकप क्रिकेट अन्तर्गत अहिले दक्षिण अफ्रिका र वेष्ट इन्डिजबीच खेल हुँदैछ ।
दुबई इन्टरनेशनल स्टेडियममा जारी खेलमा वेष्ट इन्डिजले दक्षिण अफ्रिकालाई १४४ रनको विजयी लक्ष्य प्रस्तुत गरेको छ ।
टस हारेर ब्याटिङ थालेको वेष्ट इन्डिजले २० ओभरमा ८ विकेटको क्षतिमा १४३ रन बनायो ।
ओपनर लेन्डी सिमोन्सले ३५ बलमा १६ रन जोड्दा एभिन लेविसले ३५ बलमा ५६ रनको अर्धशतकीय इनिङ्स खेले ।
लेविसले ३ चौका र ६ छक्का प्रहार गरे । यस्तै निकोलास पुरन ७ बलमा १२ रन जोड्दै पेभिलियन फर्किए भने क्रिस गेलले १२ बलमा १२ रन जोड्दै आउट भए ।
यस्तै कायरन पोलार्डले २० बलमा २६ रनको योगदानी दिए भने एन्ड्री रसेलले ४ बलमा ५ रन बनाउँदै पेभिलियन फर्किए । सिमरन हेटमेयरले २ बलमा १ रनमात्र जोड्दै रनआउट हुन पुगे । ड्वेन ब्राभोले ८ रन बनाई आउट हुँदा हेडन वाल्सले खाता समेत खोल्न सकेनन् ।
अफ्रिकाका केशभ महराज र ड्वेन प्रेटोरियसले २ विकेट लिँदा कागिसो रवाडा र एन्रिख नोर्खियाले १ /१ विकेट लिए ।
