काठमाडौं । आईसीसी विश्वकप टी–ट्वान्टी क्रिकेट अन्तर्गत साउथ अफ्रिकाले बंगलादेशलाई हराएको छ ।
मंगलबार भएको खेलमा साउथ अफ्रिकाले बंगलादेशमाथि ६ विकेटको जित हात पारेको हो ।
बंगलादेशले दिएको ८५ रनको सामान्य लक्ष्य साउथ अफ्रिकाले ३९ बल अगावै ४ विकेट गुमाएर पुरा गर्यो ।
साउथ अफ्रिकाका लागि कप्तान टेम्बा बावुमाले नटआउट ३१ रन जोडे । ओपनर क्विनटन डी ककले १६ रन बनाएको इनिङ्समा अर्को ओपनर रिजा हेन्डरिक्स ४ रनमा आउट भए ।
रक्सी वेन डेर डुसनले २२ रन बनाए भने एडेन माक्राम शुन्य रनमा आउट भए ।
बंगलादेशका टास्किन अहमेदले २ तथा महेदी हसन र नसुम अहमदले एक/ एक विकेट लिए ।
यसअघि, अबुधावीमा टस हारेर पहिले ब्याटिङ थालेको बंगलादेश १८ ओभर २ बलमा अल आउट हुँदै जम्मा ८४ रन मात्र जोड्यो ।
बंगलादेशका लागि महेदी हसनले सर्वाधिक २५ बलमा २७ रन जोडे । लिटोन दासले २४ रनको योगदान गरे ।
दक्षिण अफ्रिकाका कगिसो राबाडा र एनरिच नोर्जले समान ३–३ विकेट लिए भने तबरेज सम्सीले २ विकेट लिएका थिए ।
जितसँगै साउथ अफ्रिका सेमिफाइनलको नजिक पुगेको छ । अफ्रिकाले ४ खेलबाट ६ अंक जोडेर तालिकाको दोस्रो स्थानमा उक्लिएको छ ।
| समूह क | खेल | अंक | समूह ख | खेल. | अंक. |
| इङल्यान्ड | ४ | ८ | अफगानिस्तान | ३ | ४ |
| अस्ट्रेलिया | ३ | ४ | पाकिस्तान | ३ | ६ |
| दक्षिण अफ्रिका | ४ | ६ | भारत | २ | ० |
| वेस्ट इन्डिज | ३ | २ | न्यूजील्यान्ड | २ | २ |
| श्रीलंका | ४ | २ | स्कटल्यान्ड | २ | ० |
| बंगलादेश | ४ | ० | नामिबिया | २ | २ |
