हेटौंडा । वागमती प्रदेशका मुख्यमन्त्री राजेन्द्र पाण्डेले विश्वासको मत पाएका छन् ।
पाण्डेले सोमबार आफूमाथि प्रदेशसभाको विश्वास छ भनी राखेको प्रस्तावको पक्षमा ५९ मत परेको हो ।
प्रदेशसभामा १०९ जना सदस्य रहेको वागमतीमा विश्वासको मत पाउन ५५ सांसदको समर्थन आवश्यक पर्छ ।
१०४ जनाले सोमबार प्रदेशसभामा मतदान गरेका थिए ।
पाण्डेको पक्षमा नेकपा माओवादी केन्द्रका २३, नेपाली कांग्रेसका २२, नेकपा एकीकृत समाजवादीका १३, जनता समाजवादी पार्टीका १ जना सांसदले मत दिएका थिए ।
पाण्डेको विश्वासको मतसम्बन्धी प्रस्तावको विपक्षमा ४३ मत परेको थियो भने २ मत तटस्थ रहेको छ ।
