काठमाडौँ । राष्ट्रपति विद्यादेवी भण्डारीसमक्ष नवनियुक्त प्रदेश प्रमुखहरूले पद तथा गोपनीयताको शपथ लिनु भएको छ ।
राष्ट्रपति भवनमा आज अपराह्न आयोजित विशेष समारोहमा नेपालको संविधानको धारा १६७ अनुसार प्रदेश नं १ का प्रमुख परशुराम खापुङ, कर्णाली प्रदेशका प्रमुख तिलक परियार र सुदूरपश्चिम प्रदेशका प्रमुख देवराज जोशीले राष्ट्रपतिसमक्ष शपथ लिनु भएको हो ।
त्यस अवसरमा उपराष्ट्रपति नन्दबहादुर पुन, प्रधानमन्त्री शेरबहादुर देउवा र प्रधानन्यायाधीश चोलेन्द्रशम्शेर जबरा लगायत उपस्थित हुनुहुन्थ्यो ।
यसअघि प्रदेश १ मा सोमनाथ अधिकारी प्यासी, कर्णालीमा गोविन्दप्रसाद कलौनी र सुदूरपश्चिम प्रदेशमा गङ्गाप्रसाद यादव प्रदेश प्रमुख हुनुहुन्थ्यो । मन्त्रिपरिषद्को यही कात्तिक २२ गते बसेको बैठकले अधिकारी, कलौनी र यादवलाइ पदमुक्त गर्ने निर्णय गरी राष्ट्रपति समक्ष नयाँ नियुक्तिका लागि सिफारिस गरेको थियो ।
नवनियुक्त प्रदेश प्रमुखहरू सत्ता गठबन्धनका प्रमुख दलहरू नेपाली काँग्रेस, नेकपा (एकीकृत समाजवादी) र नेकपा (माओवादी केन्द्र) को सिफारिसमा भएका हुन् ।
