• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक

प्रचण्डले गरे केन्द्रीय समिति विघटन प्रस्ताव



maoist_meeting

काठमाडौं, २८ मंसिर । एकीकृत नेकपा माओवादी केन्द्रीय समिति बैठकमा केन्द्रीय समिति विघटन गरी विशेष महाधिवेशनमा जाने प्रस्ताव पेश भएको छ ।

पार्टी केन्द्रीय कार्यालय कोटेश्वरमा आइतवार सुरु भएको बैठकमा अध्यक्ष पुष्पकमल दाहाल प्रचण्डले अर्को वर्ष माघको तेश्रो सातासम्म विशेष महाधिवेशन गर्ने बुँदागत प्रस्ताव पढेर सुनाएको केन्द्रीय सदस्य वसन्त शर्माले अनलाईन चौतारीलाई जानकारी दिए । प्रचण्डको प्रस्तावमा विशेष महाधिवेशनको लागि केन्द्रीय समिति विघटन गरी महाधिवेशन आयोजक समिति बनाउने उल्लेख छ । त्यतिञ्जेलसम्म अध्यक्षमा प्रचण्ड रहनेछन भने बाँकी सवै महाधिवेशन आयोजक समिति सदस्य हुनेछन् । उक्त प्रस्ताव सम्बन्धी ठोस निर्णय हुन भने बाँकी छ ।

गत बैशाखमा विराटनगरमा सम्पन्न राष्ट्रिय सम्मेलन र त्यसपछि गरिएको चुनावबाट निर्वाचित गरेका पदाधिकारी बाबुराम भट्टराई पक्षले अस्वीकार गरेपछि केन्द्रीय समिति विघटनको प्रस्ताव ल्याउन प्रचण्ड बाध्य भएका हुन् ।

बैठकअघि नै अध्यक्ष प्रचण्ड र वरिष्ठ नेता भट्टराईबीच एक वर्षभित्र विशेष महाधिवेशन गरी नेतृत्व हस्तान्तरण सम्बन्धी विधि बनाउने सैद्धान्तिक सहमति भएको थियो । आगामी एक वर्षभित्र गरिने विशेष महाधिवेशनबाट एक कार्यकालका लागि भट्टराईलाई अध्यक्ष बनाउने ‘भद्र सहमति’ भइसकेको बताइएको छ ।
यस्तै एउटै व्यक्तिमा पार्टीको सम्पूर्ण शक्ति केन्द्रीत हुने परम्परा तोडेर अघि बढ्ने विषयमा पनि दुई नेताबीच सझदारी भइसकेको श्रोतले बताएको छ ।

यसैबीच प्रचण्डले पेश गरेको प्रस्तावप्रति उनी पक्षीय नेताहरु नै असन्तुष्ट बनेका छन् । कतिपय असन्तुष्टहरुले बैठकबाट निस्कनासाथ फेसबुक मार्फत विरोध जनाएका छन् ।
प्रचण्डपक्षीय नेता लोकेन्द्र विष्ट मगरले आफ्नो फेसबुक वालमा यस्तो लेखेका छन- ‘ पदका लागि ज्यान फाल्ने महापदलोलुपहरु हो, पद पाएर पनि के पो पहिरो लराउंछौ र तिम्रा सारा हर्कत् सबै थाहा भइसक्यो इतिहासको बुख्याचा भन्दा अरु के पो बन्छौ र  ? ‘