• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   घुमघामको गन्तव्य टौदह: काठमाडौं उपत्यकाकै सबैभन्दा ठूलो प्राकृतिक ताल-फोटो फिचर ★   विस्तारित स्वास्थ्य सेवामा पहुँच बढाउन अमेरिकाद्वारा करिब १६ करोड रुपैयाँको धनुषा प्रसूति केन्द्रको हस्तान्तरण ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छ: पूर्वराष्ट्रपति भण्डारी ★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ

१ अर्बको लगानीमा व्यापार विविधीकरण गर्दै नेशनल ट्रेडिङ



जेठ १, काठमाडौं । नेशनल ट्रेडिङ लिमिटेडले रू. १ अर्बको लागतमा पेट्रोलियम पदार्थ, फर्नेश आयल र अलकत्राको व्यापार गर्ने भएको छ । टेकुस्थित केन्द्रीय कार्यालय रहेको स्थानको ५५ रोपनीमध्ये १८ रोपनी जग्गा विक्री गरेर व्यापार गर्ने योजना बनाएको नेशनल ट्रेडिङकी महाप्रबन्धक प्रमिलाकुमारी यादवले बताइन् । सो जग्गा विक्री गर्नेसम्बन्धी प्रस्ताव स्वीकृतिका लागि सोमवार प्रधानमन्त्रीको कार्यालयमा दर्ता गरेको उनले जानकारी दिइन् । ‘स्वीकृति पाएमा जग्गा विक्रीको प्रक्रिया शुरू गरिनेछ,’ उनले भनिन् ।

जग्गा विक्रीबाट करीब १ अर्बभन्दा बढी रुपैयाँ आउने यादवको भनाइ छ । सो रकमबाट लिमिटेडले ११ ओटा पेट्रोल पम्पसहित अन्य नयाँ व्यापारमा हात हाल्न खोजेको छ । उक्त जग्गा संस्थानले आफै आर्जेको भएकाले राज्यको कुनै हस्तक्षेप हुन नहुने उनको भनाइ छ । सो जग्गा खरीदका लागि हाल बीमा समिति र कर्मचारी सञ्चय कोषले प्रस्ताव गरिसकेका छन् । ‘आज (मङ्लवार) बस्ने बैठकले सोसम्बन्धी निर्णय गर्नेछ,’ उनले भनिन् ।

वाणिज्य तथा आपूर्ति मन्त्रालयले गत वैशाख १८ गते अर्थ मन्त्रालयमा उक्त जग्गा विक्रीसम्बन्धी प्रस्ताव पठाएको थियो । प्रस्तावमा सो जग्गा विक्री गर्न पाउनुपर्ने अन्यथा संस्थान नै बन्द गराउनुपर्ने उल्लेख भएको यादव बताउँछिन् । अर्थले सोही दिन वाणिज्य तथा आपूर्ति मन्त्रालयलाई जग्गा विक्रीका लागि मन्त्रिपरिषद्मा लैजान अनुमति दिएको थियो । नेशनल ट्रेडिङले विगत ५० वर्षदेखि विभिन्न मेशिनरी, निर्माण सामग्रीसहित खाद्यवस्तु तथा कपडाहरू विक्री गर्दै आएको छ । नयाँ व्यापारमा हात हाल्दा पनि सफलता प्राप्त हुने लिमिटेडको दाबी छ ।




भर्खरै