• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

सद्भाव भड्कन नदिऊ:सांसद



काठमाडौं, साउन २९÷व्यस्थापिका–संसदको बैठकमा सांसदहरुले प्रदेशका नाममा भइरहेको आन्दोलन र आन्दोलनका क्रममा भइरहेका सदभाव भड्काउने उत्तेजनापूर्ण अभिव्यक्तिप्रति सरकार र राजनैतिक नेतृत्वको गंभिर ध्यानाकर्षण गराएका छन् ।

शुक्रवारको बैठकको शुरुमै विशेष समय लिएर नेपाली कंग्रेसका सांसद तप्तबहादुर विष्टले प्रदेशको सिमाङ्कनका सम्बन्धमा मध्यपश्चिममा भइरहेको आन्दोलनलाई ध्यान दिन राजनैतिक नेतृत्वले ध्यान दिनु पर्ने भन्दै आन्दोलनका क्रममा घाइतेहरुको उचित उपचार र मृतकको परिवारलाई क्षेतीपूर्ति उपलव्ध गराउन सरकारसँग माग गरे ।
नेकपा एमालेका सांसद भीमबहादुर रावलले प्रदेशको सिमाङ्कनको विषयलाई लिएर कतिपय नेताहरु सुनियोजित रुपमा जातिय र सामुदायिक सदभाव भड्काउन र सोझासाझा जनतालाई उत्तेजित बनाउन लागेका छन भन्दै त्यस्ताप्रति सबै सचेत हुनुपर्ने बताए ।

एकीकृत नेकपा माओवादीका सांसद गणेशमान पुनले आफ्ना अधिकार र पहिचानका लागि जनता आन्दोलनमा आएका छन भन्दै, प्रदेशका नाममा कर्णालीका जनताले उठाएको माग, तथा दलित प्रतिनिधित्वको सुनिश्चित गर्न भएको माग सम्बोधन गर्नेतर्फ राजनैतिक नेतृत्व सचेत हुनुपर्नेमा जोड दिए । सांसद लिलादेवी श्रेष्ठले अधिकारको माग गर्नेलाई दमन गर्ने सरकारको नीति गलत भएको बताइन । सांसद वृजेशकुमार गुप्ताले सदभाव भड्काउने काम स्थानीय जनताले गरेको नभई सरकार र सत्तारुढ दललले गरेको आरोप लगाए । सांसद योगेन्द्र चौधरी र सांसद रिता शाहीलेले प्रदेशको सिंमाकनमा देखिएको जनताको असन्तुष्टिलाई नेतृत्वले समयमै बुझ्नुपर्ने बताए ।