काठमाडौं साउन ३१÷ भारत–चीनबीच भएको लिपुलेक सम्झौता खारेजीको माग गर्दै शनिवार भारतीय दुतावास अगाडि कालो झण्डा देखाउँदै विरोध प्रदर्शन भयो ।
काठमाडौंको लैनचौरस्थित भारतीय दुतावास अगाडि ग्रेटर नेपाल राष्ट्रवादी मोर्चाले विरोध प्रदर्शन गरेको हो । दूताबासभित्र भारतको ६९ औं स्वतन्त्रता दिवस मनाइरहँदा दूताबासको पूर्वी ढोका अगाडि ग्रेटर नेपालका कार्यकर्ता र समर्थकहरु उग्र नाराबाजीमा उ
त्रेका थिए । मोर्चाका अध्यक्ष फणीन्द्र नेपालको नेतृत्वमा रहेका प्रदर्शनकारीहरुले हातमा कालो झण्डा लिँदै भारत विरोधी नारा लगाएका थिए ।
गत मे १५ तारिखका दिन बेइजिङ्गमा चीन र भारतका प्रधानमन्त्रीबीच ४१ बुँदे सहमतिको २८ औं बुँदामा नेपालको लिपुलेकबाट ब्यापारिक नाका खोल्ने सम्झौता भएको थियो । नेपाललाई बिना कुनै जानकारी दुई देशले कुटनीतिक मर्यादा विपरित सम्झौता गरेको भन्दै नेपालमा ब्यापक विरोध भइरहेको छ ।
