काठमाडौं, भदौ ८ । एमाले अध्यक्ष तथा संसदीय दलका नेता केपी ओलीले नयाँ संविधानमाथि हुने छलफलमा पार्टी नीति विपरित धारणा नराख्न सभासद्हरुलाई कडा आदेश दिएका छन् ।
नयाँ बानेश्वरस्थित संविधानसभा भवनमा मंगलवार संसदीय दलको बैठक डाकेर अध्यक्ष केपी ओलीले संविधानसभामा कुनै धारणा राख्नुपर्ने नै पर्ने भए प्रमुख सचेतकलाई सम्पर्क गर्न पनि निर्देशन दिएका हुन् ।
‘संविधानसभामा पार्टीको व्हीप लाग्दैन । पार्टी सदस्यहरुलाई यो मेरो पार्टी अध्यक्षको हैसियतले आदेश हो’ उनले भने–‘पार्टीको दृष्टिकोण, आधिकारिक धारणा, आदेश र निर्णय विपरित केही नबोल्नुहोला ।’
संसदीय दलको २९ औं बैठकले तीन वटा प्रस्ताव पारित गरेको छ । जसमा कैलालीको घटनालाई मानवताविरोधीप् निन्दा र भत्र्सना गर्दै घटनाबारे सरकारले न्यायीक छानबिन गर्नुपर्ने, हत्याको योजना बनाउने र हत्यामा संलग्नलाई कारबाही गर्नुपर्ने माग गरेको छ । त्यसैगरी गरी घटनामा ज्यान गुमाउने सुरक्षाकर्मीलाई एक तह बढुवा गर्न र सुरक्षा व्यवस्थामा कमजोरी गर्ने सुरक्षाकर्मीलाई कारबाही गर्न पनि सरकारसँग माग गरेको छ । यसअघि मंगलवार नै पश्चिमाञ्चल र मध्यमाञ्चलका सभासद्को भेला डाकेको थियो
