• १३ मंसिर २०७९, मंगलवार
  •      Tue Nov 29 2022
Logo
Latest
★   सत्तारुढ गठबन्धनलाई अगाडी बढाउने पक्षमा नेकपा एस ★   कोहलपुर-सुर्खेत प्रसारण लाइन निर्माणको बाटो खुल्यो ★   २०४८ सालदेखि निरन्तर सांसद पाएको अर्घाखाँचीको गाउँ ★   नेप्से परिसूचकमा झिनो अङ्कको बृद्धि ★   समानुपातिक मतगणना: कति दलले पाउलान् राष्ट्रिय मान्यता ? ★   ट्रक चलाउँदै टिकटक ‘लाइभ’मा आएका चालकलाई ट्राफिक प्रहरीको कारबाही ★   अमेरिकी फ्रिडम पार्टीको घण्टी यहाँ पनि आयोः ओली ★   सबै दल मिलेर सार्वजनिक तथा सरकारी जग्गा सखाप नै पार्ने भए: पूर्वसचिव शारदाप्रसाद त्रिताल ★   पर्यटकीय नगरी पोखरालाई विश्वसँग जोड्दै विमानस्थल ★   यु-१९ राष्ट्रिय क्रिकेट: प्रदेश-१ विजयी

आन्दोलनकारीका माग समेट्न प्रमुख दलको साझा संशोधन प्रस्ताव



काठमाडौं, भदौं १९ । प्रमुख चार दल संघीयताको सिमाङ्कनमा असन्तुष्ट पक्षका माग सम्बोधन गर्न सहमत भएका छन् ।

फोटो सौजन्य : प्रधानमन्त्री कार्यालय

प्रधानमन्त्री निवास वालुवाटारमा शनिबार विहान बसेको कांग्रेस, एमाले, एमाओवादी र फोरम लोकतान्त्रिकका शीर्ष नेताहरुको बैठकले आन्दोलनकारीका माग सम्बोधन गर्न संविधानसभामा साझा संशोधन प्रस्ताव दर्ता गर्न सैद्धान्तिक सहमति गरेको हो ।
संशोधन दर्ता गर्ने शनिवार अन्तिम दिन भएकाले प्रस्ताव तयार पार्न चार दलको बैठक दिउँसो बसेर टुंगो लगाउने एमाले नेता माधवकुमार नेपालले बैठकपछि जानकारी दिए ।

बैठकमा फोरम लोकतान्त्रिकका अध्यक्ष विजयकुमार गच्छदारले संशोधन प्रस्ताव दर्ता गर्ने समय केही दिन बढाउन प्रस्ताव गरे पनि एमाले अध्यक्ष केपी ओलीले संविधान लेखनको प्रक्रिया कुनै पनि हालतमा लम्ब्याउन नहुनेमा जोड दिएका थिए ।
संघीयताको सिमांकनका विषयलाई लिएर विभिन्न क्षेत्रमा प्रदर्शन चर्किंदै गएपछि दलहरुले आन्दोलित दल र समुदायका माग सम्बोधन गर्ने गरी संविधानको विधेयक संशोधनको संयुक्त प्रस्ताव तयार पार्न लागेका हुन् ।