तपस्वी रामबहादुर बम्जनमाथि १८ बर्षिया किशोरी बलात्कारको आरोप लागेको छ । बाराको जंगलमा तपस्या बसेर एकाएक चर्चामा आएका बम्जनमाथि यस्तो आरोप आएको हो ।
शनिबार ललितपुरमा महिला अधिकारकर्मीहरुको सहयोगमा पत्रकार सम्मेलनको आयोजना गर्दै एक १८ वर्षीया किशोरीले आफूलाई ‘धर्मगुरु’ बम्जनले पटक–पटक बलात्कार गरेको खुलासा गरेकी हुन् । किशोरीले महिला अधिकारीकर्मीहरुलाई बताएअनुसार बम्जनको सिन्धुलीस्थित गुम्बामा आनी बन्न पुगेको बेला बलत्कार गरेका हुन् ।
पत्रकार सम्मेलनमा पहिलो पटक २ बर्षअघि बम्जनकी श्रीमती काठमाडौं आएको बेला आफूलाई बलात्कार गरेको किशोरीको दावी थियो । किशोरीका अनुसार त्यसपछि पनि तपस्वी बम्जनले पटक पटक बलात्कार गरेको पीडित युवतीको गुनासो छ । आफू पिडामा परेपछि किशोरीले प्रहरीलाई उजुरी गर्ने सोच बनाउँदा तपस्वी बम्जनकी श्रीमतीले धम्काएपछि कुरा बाहिर ल्याउन नसकेको गुनासो गरिन् । तर बलात्कारका घटना ओझेलमा राख्नुहुदैन् भन्दै महिलाअधिकारकर्मीमार्फत न्याय खोज्न आफू काठमाडौं आएको उनले बताइन् ।
