काठमाडौं, १२ मंसिर । प्रधानमन्त्री निवास बालुवाटारमा बुधबार साँझ बसेकाे नेकपा सचिवालयको बैठकले प्रदेश कमिटीका सदस्यहरूकाे नाम टुङ्गाे लगाएकाे छ ।
यसअघि तीन पटकसम्म स्थगित बैठक आज साँझ बसेकाे हो । बैठकले केन्द्रीय समितिको कार्यविभाजन, प्रदेश तथा जिल्ला समितिहरु गठन गर्ने कार्ययोजना रहेको थियाे ।
बैठकमा पार्टी अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचन्ड, वरिष्ट नेता माधव कुमार नेपाल र झलनाथ खनाल, महासचिव विष्णु पौडेल लगायतको सहभागिता थियाे ।
नेकपाको सचिवालय बैठकले सात वटै प्रदेश कमिटीको एकीकरणलाई पूर्णता दिने निर्णय गरेकाे छ । तथापी बैठकले केन्द्रीय समितीको सदस्यहरुको कार्य विभाजन र जनवर्गीय संगठनको एकीकरण सम्बन्धमा कुनै निर्णय गर्न सकेन।
जिल्ला समितिहरुको मुख्य व्यक्तिको चयन गर्ने समेतका कार्यहरू जतिसक्दाे चाँडाे गर्न छलफल भएकाे पार्टी प्रवक्ता नारायणकाजी श्रेष्ठले बताउनुभयाे । उहाँले बैठक भोलि फेरि बस्ने र बाँकी रहेका सबै काम टुंग्याइने जानकारी दिनुभयाे ।
