• २ असार २०८१, आईतवार
  •      Sun Jun 16 2024
  •   Unicode
Logo
Latest
★   मधेस प्रदेशमा हत्याका घटना बढे, सक्रियता अपनाउन आवश्यक छ: सांसद मैनाली ★   ताप्लेजुङमा बाढी पहिरोबाट दार्जनौँ परिवार विस्थापित ★   उर्जा उत्पादन र खपतमा विशेष प्रकारको नीति ल्याउन आवश्यक: अध्यक्ष लिङदेन ★   टी–२० विश्वकप: सुपर आठ खेल्ने ७ टोलीको टुंगो, यस्तो छ तालिका ★   चुरे दिवस: कसले सुन्ला चुरेका कुरा ? ★   “लगानी सहजीकरण सम्बन्धी केही नेपाल ऐनलाई संशोधन गर्ने विधेयक, २०८१” प्रतिनिधि सभामा प्रश्तुत ★   मेलम्ची खानेपानी काठमाडौं पथान्तरण गर्न नगरपालिकाबाट कुनै व्यवधान हुँदैन: मेयर तामाङ ★   तोलामा रु एक हजार छ सयले बढ्यो सुनको मूल्य ★   सुदूरपश्चिममा ‘सानै छु, बढ्न देउ, बालविवाह होइन, पढ्न देउ’ अभियान सञ्चालन गर्ने ★   चुरे संरक्षणमा सङ्घीय, प्रादेशिक, स्थानीय सरकार, स्थानीय समुदाय, सरोकारवाला निकायको सहकार्य अपरिहार्य: प्रधानमन्त्री

नेप्से ३७ महिना यताकै न्यून विन्दुमा, परिसूचक १,१४८ अंकमा



काठमाडाैं, १३ मंसिर । केपी अाेली सरकार निर्माण भएसँगै ओरालो लागेको शेयर बजार सुधार हुने कुनै संकेत भेटिएकाे छैन । यस साताकाे अन्तमा नेप्से परिसूचक ३७ महिना यताकै न्यून विन्दुमा अाइपुगेकाे छ अर्थात सेयर परिसूचक १,१४८ विन्दुमा झरेको छ ।

वि.स. २०७२ कार्तिक १२ गते नेप्से सूचक १,१४९ विन्दुमा रहेको थियो । बिहीबार बजार खुलेदेखि नै ओरालो लागेको नेप्से दाेहाेराे अंक १०.३७ ले झरेर १,१४८.७० विन्दुमा पुगेकाे छ ।

अाज कूल १६१ कम्पनीको कारोबार भएकामा ३२ करोड २९ लाख बराबरको शेयर किनबेच भयो । कारोबार रकम अघिल्लो दिनको तुलनामा ८ करोड कम हो ।

कारोबारमा आएका वित्त र उत्पादन बाहेक सबै समूहका सूचक ओरालो लागेका छन् । निर्जीवन बीमा समूहमा सबैभन्दा धेरै १०५ अंकले गिरावट अायाे ।

नेपाल बैंकको सबैभन्दा धेरै कारोबार भयो । नेपाल बैंकको ५ करोड १९ लाख बराबरको शेयर किनबेच भयो । नेपाल बैंकको शेयर म्याचिङ्ग कारोबारले कारोबार रकम बढेको हो । एनएमबि बैंकको २ करोड ६७ लाख बराबरको शेयर किनबेच भयो ।

सबैभन्दा धेरै छ्याङ्दी हाइड्रोको शेयरमूल्य ३.८८ प्रतिशतले बढेको छ भने सबैभन्दा धेरै आईएमइ जनरल इन्स्योरेन्सको शेयर मूल्य ५.८५ प्रतिशतले घटेको छ ।

अधिकाँश बैंकहरूले नेपाल राष्ट्र बैंकले ताेकेकाे चुक्तापूँजी पुर्याएका कारण बैंकहरूले नाफाबाट बाेनस दिन थालेका छन् , तर त्यस्ताे बाेनस नगद मात्र हुन थालेकाे छ । केही दिनअघि माछापुच्छ्रे बैंकले लगानीकर्तालाइ नगद लाभांश दिने घाेषणा गरेकाे थियाे । बैंककाे ब्याजदरकाे तुलनामा सेयरकाे लाभांश कम हुने खतरा बढेकाले पनि लगानीकर्ताहरू अाकर्षित हुन सकेका छैनन् ।

अर्काेतर्फ, अनलाइन काराेबारले सेयर काराेबार बढ्ने र सेयर मूल्य पनि बढ्ने अनुमान गरिएकाे थियाे । नेप्सेकाे सफ्टवेयरमा समस्या अाएका कारण लगानीकर्तामा अन्याैल छाएकाे छ ।

सेयर बजारकाे पछिल्लाे प्रवृत्ति हेर्दा सेयर बजारमा कहिले सुधार अाउँछ त्यसै भन्न सकिन्न ।