सरकार र प्रतिपक्षी दुवै सुस्त भए : सभामुख महरा

दाङ । सभामुख कृष्णबहादुर महराले सरकार र प्रतिपक्षी दल दुवै सक्रिय हुन नसकेकाे टिप्पणाी  गरेका छन्भर । उनले भने सरकारका काम नै प्रभावकारीरुपमा सञ्चालन हुन सकेको छैन । उनले याे कुरा अाज दाङ बताएका हुन् । पत्रकार महासंघ दाङले शुक्रबार बिहान घोराहीमा आयोजना गरेको भेटघाटमा बोल्दै महराले दलहरुका राजनीतिक गतिबिधि सुस्त भएकाले पनि नेताहरुको कामकाज प्रभावकारीरुपमा देखिन नसकेको बताए। ‘सबै दलहरु सुस्त छन्। दलहरुका गतिबिधि कम हुँदा राजनीतिक गति सुस्त देखिएको छ,’ उनले भने, ‘दलहरुले राजनीतिक गतिबिधिहरु बढाउन आवश्यक छ।’अझै पनि धेरै ऐन नियमहरु बन्न बाँकी भएकाले जनताले महशुस हुने गरी काम हुन नसकेको उनले बताए। ‘हामी अझै नीतिनियम बनाउने क्रममै छौं। धेरै कानूनहरु बन्न बाँकी छन्,’ उनले भने।