पोखरा । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले वर्तमान सरकारको विकल्प नरहेको बताउनु भएको छ ।
कास्कीको मादी गाउँपालिकास्थित सिक्लेसमा मंगलबार विहान आयोजित पत्रकार भेटघाट कार्यक्रममा बोल्दै उहाँले सरकारले अपेक्षाकृत सफलता नगरेपनि विकल्प नभएको बताउनु भयो । उहाँले उक्त कार्यक्रममा बोल्दै ‘वर्तमान सरकारको विकल्प खोज्ने हैन, यहि सरकारलाई सफल बनाउने हो, यहि केपी सरकारबाटै विकास र समृद्धि ल्याउने पनि बताउनु भयो ।
सरकारले शुरुमा भ्रष्टाचारी, सुन तस्करी, सिण्डिकेटबिरुद्ध राम्रो शुरुवात गरे पनि, तार्किक निश्कर्षमा पुर्याउन नसकेको स्वीकार गर्नु भयो। उहाँले , ‘किन हुन सकेन हामीे समीक्षा गर्ने बताउनु भयो।’
सरकारले देशभित्र केन्द्रित भएर नयाँ गतिका साथ विकास र समृद्धिका लागि काम गर्ने बताउनु भयो।वैदेशिक सम्बन्ध स्थापित गर्ने, कानून बनाउन लगायतका धेरै काम भने गरेको उहाँले बताउनु भयो । प्रचण्डका उनुसार, ‘भारतसँग सम्बन्ध बनाउन यो सरकारले ऐतिहासिक सफलता हासिल गरेको, दशकौंदेखिको डुबान समस्या, पूर्व पश्चिम रेलमार्ग निर्माणलगायतबारे सम्झौता भएको, चीन सरकारसँग ४ वटा बन्दरगाह बनाउने कुराले नेपालको परिभाषा ल्याण्ड लक्डबाट ल्याण्ड लिंक्डको रुपमा परिणत भएको बताएका हुन्। यो दुई तिहाई सरकार भएकै कारणले मात्र संम्भब भएको जनाउनु भयो।
नेकपाका अध्यक्ष प्रचण्डले आगामी बजेटमा बृद्धभत्ता बढाइने बताउनु भयो। बृद्धभत्ता नबढाउँदा सरकारले काम गरेन भन्ने गुनासो आएको भन्दै उहाँले, ‘चुनावताका हामीले गरेका बृद्धभत्तासहित सबै प्रतिबद्धता पूरा गर्छौं, अझ यो वर्षको क्षतिपूर्तिसहित आउँदो वर्ष बृद्धभत्ता बढाँउछौं ।’अर्को चुनावअघि बृद्धभत्ता ५ हजार पुग्ने उहाँले बताउनु भयो।
